စတင်လို့ အဖွဲ့ဝင်များရဲ့ အလှူငွေကို အောက်တိုဘာလ ၂၀၁၀မှ စ လက်ခံခဲ့ပါတယ်။ အောက်တိုဘာ၊ နိုဝင်ဘာနှင့် ဒီဇင်ဘာ ထိုသုံးလအတွက် ကျနော်တို့ အဖွဲ့ဝင်များရဲ့ အလှူငွေ စင်ကာပူ ( ၄၀၀ ) ကျော်ရရှိခဲ့ပါသည်။ ထိုကြောင့်လည်း အဖွဲ့လေးရဲ့ ပထမဆုံးသော ခြေလှမ်းလေးအဖြစ် စတင်ရန် အကောင်အထည်ဖော်ခဲ့ကြပါတော့တယ်။
ပထမဆုံးဖြစ်သော နိုင်ငံခြားရောက်မြန်မာလူငယ်များအဖွဲ့ရဲ့ ခြေလှမ်းလေးကို စာရေးဆရာမ ဒေါ်သန်းမြင့်အောင် တို့ဖွဲ့စည်းတည်ထောင်ထားတဲ့ ဆည်းဆာရိပ် ဂီလာန ဘိုးဘွားများ ထိန်းသိမ်းစောင့်ရှောက်ရေးအဖွဲ့ကို အဖွဲ့ထဲမှအဖွဲ့ဝင်တစ်ဦးဖြစ်တဲ့ ညီမငယ်တစ်ဦးရဲ့ အကူအညီနဲ့ ကျနော်တို့အဖွဲ့မှ အလှူငွေ ကျပ်တစ်သိန်း တိတိ လှူဒါန်းနိုင်ခဲ့ပါတယ်။
ပထမဆုံးသော အလှူလေးနှင့်ပတ်သက်ပြီး ပါဝင်လှူဒါန်းကြသော အဖွဲ့ဝင်မောင်နှမများနှင့် အကွ ကိုယ်တိုင်ကိုယ်ကျ အပင်ပန်းခံ၊ Taxi ခ အကုန်ခံခဲ့ပြီး အလှူငွေအား သွားရောက်လှူဒါန်းပေးခဲ့သော ညီမငယ် ဧပရယ်ပူတေး ( အဖွဲ့ဝင် ) အားလည်း ကျေးဇူးတင်ကြောင်း အဖွဲ့ဝင်များကိုယ်စား ပြောကြားလိုပါတယ်။
ဒါကတော့ အလှူငွေ ဖြတ်ပိုင်းလေးပဲ ဖြစ်ပါတယ်။
အဖွဲ့ဝင် ညီမ၊ သူ့သူငယ်ချင်း နှင့် တာဝန်ခံ ဦးဘို
ဆက်လက်ပြီး အဖွဲ့ရဲ့လုပ်ဆောင်ချက်များကိုလည်း ဆက်လက် ဖော်ပြပေးသွားပါမယ်။ သွားရောက်လှူဒါန်းပေးခဲ့သော ညီမရဲ့ အတွေ့အကြုံများကိုလည်း ဖော်ပြပေးသွားပါမယ်။
နိုင်ငံခြားရောက်မြန်မာလူငယ်များအဖွဲ့
No comments:
Post a Comment