၆ ကြိမ်မြောက် အလှူ

၂၀၁၁ မတ်လအတွင်း ဖြစ်ပွားခဲ့တဲ့ မြန်မာနိုင်ငံ ရှမ်းပြည်နယ် အရှေ့ပိုင်း တာလေငလျင်အတွက် ဘလောဂ့်ဂါ မနိုင်းနိုင်းစနေ ဘလောဂ့်မှ ဒီပို့စ်လေးဖြင့် အလှူခံခဲ့ပါတယ်။ အလှူခံ ပိုစ့်လေးကို ဖတ်ပြီး OBYG ရဲ့တတိယ ရည်ရွယ်ချက်နှင့် ကိုက်ညီတာကြောင့် တက်နိုင်တဲ့ဖက်က တက်နိုင်သလောက် ပါဝင်မယ်လို့ ဆိုတဲ့အတိုင်း ပါဝင်လှူဒါန်းခဲ့ကြပါတယ်။ ပါဝင်လှူဒါန်းမှုကို ဒီနေရာလေးမှာ သွားကြည့်နိုင်ပါတယ်။ အလှူအတွက် ပြုလုပ်လှူဒါန်းမှု အစုစုကိုလည်း ဒီနေရာလေးမှ တဆင့် သွားရောက် လေ့လာနိုင်ပါတယ်။

OBYG ရဲ့ ( ၆ ) ကြိမ်မြောက် အလှူလေးကတော့ အောင်မြင်စွာ အထမြောက်လို့ သွားခဲ့ပြန်ပါပြီ။

ငါးကြိမ်မြောက် အလှူ

OBYG ( နိုင်ငံခြားရောက်မြန်မာလူငယ်များအဖွဲ့ ) ရဲ့ ငါးကြိမ်မြောက် အလှူလေးကိုတော့ ရန်ကုန်မှာ ရှိတဲ့ ကျိုက်ဝိုင်း လူငယ်သင်တန်းကျောင်းမှာ သွားရောက်လှူဒါန်းခဲ့ပါတယ်။ ဒီတစ်ခါလည်း အဖွဲ့ဝင် မောင်နှမရဲ့ အကူအညီနှင့် သွားရောက်လှူဒါန်းနိုင်ခဲ့ပါတယ်။ OBYG လှူဒါန်းမှုအတွက် ဂုဏ်ပြုမှတ်တမ်းလေး ဖြစ်ပါတယ်။

ဒါကတော့ ငွေလက်ခံရရှိကြောင်း ပြေစာလေးပါ။ OBYG ရဲ့ ရည်ရွယ်ချက်ဖြစ်တဲ့ မိဘမဲ့ ကလေးများ၊ သက်ကြီးရွယ်အိုများ နှင့် သဘာဝဘေး အန္တာရယ်ကျရောက်ရာ နေရာဒေသများသို့ တက်နိုင်တဲ့ ဖက်မှ နိုင်သလောက်လှူဒါန်းသွားဖို့ ရည်ရွယ်ထားပါတယ်။ OBYG ရဲ့ ငါးကြိမ်မြောက် အလှူကို မိဘမဲ့ ကလေးများအတွက် လှူဒါန်းနိုင်ခဲ့ပါတယ်။ OBYG ၏ ပြုခဲ့ပြီးသော ကုသိုလ်အစုစုအတွက် ခုနှစ်ရက် သားသမီးများ အား အမျှပေးဝေးလိုက်ရပါတယ်။

လေးကြိမ်မြောက် အလှူ

အဖွဲ့လေးကို စတင်ကတည်းက နည်းနည်းများများလှူဒါန်းသွားဖို့ ရည်ရွယ်ခဲ့ကြပါတယ်။ နိုင်ငံခြားရောက်မြန်မာလူငယ်များအဖွဲ့ရဲ့  လေးကြိမ်မြောက်အလှူကိုတော့ အဖွဲ့ဝင် မောင်နှမများ ပြုလုပ်လှူဒါန်းမဲ့ အလှူမှာ ပါဝင်ဖို့ ဆုံးဖြတ်ခဲ့ကြပါတယ်။ဒီလိုနဲ့ အဖွဲ့ရဲ့ လေးကြိမ်မြောက် အလှူလေးကို အောင်အောင်မြင်မြင်နဲ့ လှူဒါန်းနိုင်ခဲ့ပါတယ်။ အလှူနဲ့ ပတ်သက်တဲ့ အသေးစိတ် အချက်အလက်တွေကိုတော့ ဒီနေရာလေးမှာ သွားရောက်လေ့လာနိုင်ပါတယ်။

သုံးကြိမ်မြောက် ( အလှူ )

နိုင်ငံခြားရောက်မြန်မာလူငယ်များအဖွဲ့ သုံးကြိမ်မြောက် အလှူလေးကတော့ အလှူငွေအနေနဲ့ များများစားစား မဟုတ်ခဲ့ပင်မဲ့ ပါဝင်လှူဒါန်းခွင့်ရခဲ့တဲ့အတွက် ဝမ်းသာကြည်နူး ဖြစ်ရပါတယ်။ ဒီနေရာလေးမှာ အဖွဲ့မှလှူဒါန်းခဲ့သော ဂရုဏာမြေဖောင်းဒေရှင်းရဲ့ အကြောင်းအရာတစ်ချို့ ရှိပါတယ်။

နိုင်ငံခြားရောက်မြန်မာလူငယ်များ အဖွဲ့

ဒုတိယ အကြိမ် ( အလှူ )

နိုင်ငံခြားရောက်မြန်မာလူငယ်များအဖွဲ့လေးသည် လူနည်းစုဖြစ်တဲ့ သူငယ်ချင်းမောင်နှမများဖြင့် ဖွဲ့စည်းထားတာ ဖြစ်သောကြောင့် အလှူပြုလုပ်သော အခါတွင်လည်း တစ်နိုင်တစ်ပိုင် အလှူလေးသာဖြစ်ပါတယ်။ ကိုယ်နိုင်သလောက် တက်နိုင်တဲ့ ဘက်က ကူညီလိုက်ရတာကိုးပဲ ဝမ်းသာကြည်နူးဖြစ်ရပါတယ်။ သိန်းဘယ်လောက်ရမှ လှူမယ်။ ဒီလောက်ရှိမှ လှူမယ်လို့ ဆိုတဲ့ စိတ်မျိုး မရှိပဲ တက်နိုင်တဲ့ဘက်က ငါးကျပ်တန်သည်ဖြစ်စေ၊ ၁၀ တန်သည်ဖြစ်စေ ပါဝင်လှူဒါန်း ချင်တဲ့ စိတ်လေး တစ်ခုကြောင့်သာ အလှူပြုလုပ်ရခြင်းဖြစ်ပါတယ်။

အခုဆိုရင်လည်း နိုင်ငံခြားရောက်မြန်မာလူငယ်များအဖွဲ့ရဲ့ ဒုတိယအကြိမ်မြောက် အလှူလေးကိုတော့ ကဗျာ၊ စာရေးဆရာမ ဦးဆောင်ပြီး ပြုလုပ်တဲ့ သုခရိပ်မြုံမှသည် ဆိုတဲ့ ခေါင်းစဉ်ဖြင့် HIV ရောဂါဝေဒနာ ခံစားနေရတဲ့ ကလေးငယ်များနှင့် အခြားအခြားသော လူမှု့အဖွဲ့အစည်းများသို့ လှူဒါန်းခဲ့သော အလှူလေး၌ နိုင်ငံခြားရောက်မြန်မာလူငယ်များအဖွဲ့မှ အလှူငွေ စင်ကာပူဒေါ်လာ ၁၀၀ ပါဝင်လှူဒါန်းခဲ့ပါတယ်။

၎င်းအလှူအား စာနယ်ဇင်းများရှေ့တွင် ပြုလုပ်လှူဒါန်းခဲသော ပွဲဖြစ်ပင်မဲ့ အခြေအနေအရပ်ရပ်ကြောင့် ဂျာနယ်နှင့် မဂ္ဂဇင်းများတွင် ဖေါ်ပြနိုင်ခွင့် မရရှိခဲ့ပါ။ ဒါကြောင့် ဆရာမအိန္ဒြာမှ အလှူမှတ်တမ်းလေး လင့်အဖြစ် ဒီနေရာမှာ တင်ထားပါတယ်။ မောင်နှမများအနေနဲ့ သွားရောက်လေ့လာကြည့်ရှုနိုင်ပါတယ်။

မည်သို့ပင်ဖြစ်စေ နိုင်ငံခြားရောက်မြန်မာလူငယ်များအဖွဲ့ရဲ့ ဒုတိယအကြိမ်မြောက် လှူဒါန်းပါဝင်လိုက်ရတဲ့ အလှူလေးကတော့ အထမြှောက်သွားခဲ့ပါပြီ။ ဆက်လက်ပြီးတော့လည်း တက်နိုင်တဲ့ ဘက်က တက်နိုင်သလောက် ပါဝင်လှူဒါန်းသွားဖို့ စိတ်ကူးများဖြင့်..............

နိုင်ငံခြားရောက်မြန်မာလူငယ်များအဖွဲ့

ဆည်းဆာရိပ်မှ ( ပထမအကြိမ် )

ဆည်းဆာရိပ် ဆိုတာက ဂီလာနဘိုးဘွားတွေကို ပြုစုစောင့်ရှောက်ပေးတဲ့နေရာလေး တစ်ခုဖြစ်ပါတယ်။ အဖွဲ့အနေနဲ့ အလှူလေးလုပ်မယ်လို့ စိတ်ထဲဖြစ်နေပင်မဲ့ လှူဖို့အတွက်ကျပြန်တော့လည်း ကိုယ်တိုင်ကိုယ်ကျလေး လှူချင်တဲ့ စိတ်ကဖြစ်နေပြန်တော့ ဘယ်မှာ လှူရင်ကောင်းမလဲလို့ စဉ်းစားလိုက်တော့ သိပ်မကြာသေးခင်ကမှ တည်ထောင်နေတဲ့ ဆရာမဒေါ်သန်းမြင့်အောင် ဦးစီပြီးလုပ်နေတဲ့ ဒီရိပ်သာလေးကို စဉ်းစားမိလိုက်တယ်။ ဒါနဲ့ပဲ ထန်းသီးကြွေးခိုက် ကျီးနင်းခိုက် ဆိုတဲ့စကားအတိုင်း အလှူလုပ်ဖို့ ငွေသားကလည်း အဆင်သင့်၊ မြန်မာပြည်ပြန်မဲ့ အဖွဲ့ဝင်မောင်နှမကလည်း အဆင်သင့်ဆိုတော့ အလှူငွေကို ကိုယ်တိုင်ကိုယ်ကျ သွားလှူဖို့ အတွက်အခွင့်အရေး ကြုံခဲ့ရတာပေါ့။ ပထမတော့ မြန်မာပြည်ပြန်မဲ့ ညီမကို အားနားပါသေးတယ်။ သူ ပြန်မှာက တစ်ပတ်ထဲပါ။ အလှူကိစ္စကိုလိုက်လုပ်မယ်ဆိုရင် တစ်ရက်ကတော့ အချိန်ကုန်မှာသေချာတယ်။ ဒါပင်မဲ့လည်း မြန်မာလူမျိုးတို့ရဲ့ ထုံစံအတိုင်း အလှူအတန်းမှာ ရက်ရောတက်ကြသလို၊  ကူညီဖို့ ဝန်းမလေးတက်တာလဲ မြန်မာတို့ရဲ့စတိုင်ပါ။ ဒါကြောင့်ပဲ ကျနော်တို့ရဲ့ အလှူလေးကို ပထမဆုံးအကြိမ်အဖြစ် လှူဒါန်းနိုင်ခဲ့ပါတယ်။ အောက်မှာဖော်ပြထာတဲ့ အဘိုးအဘွားများရဲ့ပုံတွေကတော့ ဆည်းဆာရိပ်မှာရှိတဲ့ အဘိုးအဘွားများရဲ့ ပုံရိပ်များဖြစ်ပါတယ်။

အဖိုးကတော့ အဆုတ်လဲမကောင်းတော့ဘူး... အသဲလဲမကောင်းတော့ဘူး။ ဆေးရုံကို ပြန်ပြန်ပို့နေတာတင် ၃ ခါရှိနေပြီလို့ပြောပါတယ်။ တင်ပါးမှာလဲ အနာတွေပေါက်နေလို့(အိပ်ယာနာ) အဖိုးအတွက် အထူးမွေ့ယာ(ပူးတေထင်တာ ရေမွေ့ယာလားမသိ) ဝယ်ပေးထားရတယ်လို့ပြောပါတယ်....

.

အဖွဲ့လေးရဲ့ပထမခြေလှမ်းလေးလည်းဖြစ်၊ လှူလိုက်ရတဲ့ ငွေကြေးအနေနဲ့ အများကြီးမဟုတ်ပင်မဲ့ လိုအပ်တဲ့ နေရာမှာ လိုအပ်သလိုလေး လှူဒါန်းလိုက်နိုင်တဲ့အတွက် အရမ်းကို ဝမ်းသာကြည်နူးဖြစ်မိပါတယ်။ ဆက်လက်ပြီးတော့လည်း နိုင်ငံခြားရောက်မြန်မာလူငယ်များအဖွဲ့မှ တက်နိုင်တဲ့ဘက်က လှူဒါန်းသွားဖို့ စဉ်းစားဆုံးဖြတ်ထားကြပါတယ်။

နိုင်ငံခြားရောက်မြန်မာလူငယ်များအဖွဲ့

ဆည်းဆာရိပ်မှ

ဆည်းဆာရိပ်မှာ အလှူသွားလုပ်တုန်းက ရိုက်ခဲ့တဲ့ ဓါတ်ပုံတစ်ချို့ပါ။ အားလုံးအတွက် ပြန်လည် ဝေမျှလိုက်ရပါတယ်။ အဘိုးအဘွားများ ပုံကိုတော့ နောက်ပိုစ့် တစ်ခု အနေနဲ့ ပြန်လည်ဝေမျှပေးပါ့မယ်။

 

နိုင်ငံခြားရောက်မြန်မာလူငယ်များအဖွဲ့